您的位置: JRS爱看球中国足彩网首页手机版 > 英超 > 英超中国足彩网赛事中心 > 西布罗姆维奇对切尔西:第N次因个人失误而失利

西布罗姆维奇对切尔西:第N次因个人失误而失利

作者:网络    英超发表于:2020-09-28 12:15

切尔西嘅失利并非因战术失当而起,然后最后入球扳平亦同战术无关,整场波嘅赛果完全取决于球员嘅状态、集中度、质素、把握力。

       

西布罗姆维奇摆出5-4-1阵式,进攻思维好简单,就係用两翼快放打反击,而迪安加拿同彭利拿确实为切尔西擅攻不擅守嘅二闸占士、阿朗素带来唔少麻烦。不过西布罗姆维奇喺open play上真正製造到嘅威胁其实唔多,佢地全场嘅xG只有0.91,当中更有0.52係来自巴特利嘅门前tap-in入球。不过今场西布罗姆维奇嘅把握力出色,罗宾逊两个入球嘅xG都低于0.1,但已足以为球队攻入两个重要入球,再加上一个角球入球,西布罗姆维奇早早就领先3比0。


https://pbs.twimg.com/media/Ei234AZXcAAy7fk.jpg


至于切尔西方面,上半场嘅进攻表现其实係开季以来最好。夏弗斯再次出任10号位,整体参与度有所提升,担当前场连接者嘅角色。其他队友开始理解夏弗斯嘅用球习惯,今场佢同蒙特、占士喺右路嘅进攻配合唔错,更为阿巴咸同云拿製造出数次机会,只可惜无一能转化为入球。论进攻流畅度的话,个人认为上半场嘅表现仲好过大胜班士利嗰场。

       

进入下半场,林柏特被迫转阵,西布罗姆维奇亦开始全军退守。比赛进入彻底攻防战,呢个时候已经冇太多战术章法可言。蒙特同赫臣奥度尔各自展现质素,为切尔西追返两球。最有趣嘅调动係用基奥特入替泰亚高施华,令球队变成一中坚阵式。此时球场上齐集三大前锋,加上蒙特、赫臣奥度尔同夏弗斯,切尔西前场有六个进攻球员。不过多亦唔代表好,球员之间失去上半场原有嘅进攻配合,只能各自为政。尤其係转阵后占士需要参加更多防守工作,佢嘅传中次数随之下降,令基奥特同阿巴咸唔能够发挥高空优秀。

       

对比之下,其实上半场嘅进攻表现仲好。切尔西上下半场嘅xG分别为1.23及1.13,数字看似相差不远,但其实下半场嘅数据中有0.73係来自阿巴咸嘅执鸡入球。换句话说,係阿巴咸入波前切尔西係下半场嘅xG只有0.4。要总结全场嘅进攻表现嘅话,上半场就係有攻势有配合,但把握力欠佳;下半场战术混乱,但凭着韧力、更出色嘅球员质素同运气,最终成功扳平。


https://cdn.vox-cdn.com/thumbor/kEb1pEvNchwgZdrSfrmTbOdcz1A=/960x301:2704x2000/1200x800/filters:focal(1528x625:2008x1105)/cdn.vox-cdn.com/uploads/chorus_image/image/67475599/1276828381.jpg.0.jpg


至于防守方面其实都係老问题,过份前压造成后场空虚、防守死球睇漏人等等,已经冇太多讨论价值。

       

但更严重嘅问题并非同战术有关,而係我之前已经唔止一次提及嘅球员状态问题。泰亚高施华嘅控失同阿朗素嘅误传唔係今场唯二嘅失误,整场比赛都充斥着大大小小嘅甩漏。西布罗姆维奇喺只有24%控球率下仍然录得10次成功盘扭,成功率高达67%。相反切尔西只有5次成功盘扭,成功率只有42%。切尔西整体嘅竞技状态完全唔合格,每次球员持球时都好似就嚟甩波咁,一对一对抗亦经常佔下风,西布罗姆维奇嘅duels won次数仲要比切尔西多5次。不论球员质素几好、战术几高明,如果球队持续咁嘅状态的话,都係冇可能争取到好成绩。


https://storage.googleapis.com/afs-prod/media/8823b68f5b5f44ecab82a1967fa63cbc/2698.jpeg


当各位车迷仍然J紧啲新收购嘅时候,队波就一盆冷水淋落嚟,话比大家知而家唔係打紧FIFA,好球员係唔会自动令球队有好成绩。今场三个喜剧性失球係一个好大嘅警号,或许林柏特同训练团队需要喺操练时作出改变,加强球员比赛时嘅集中力同强度。

网站地图

沪ICP备18031952号-11 | Copyright 2014-2020 (c)中国足彩网首页手机版【足彩比分直播】, All rights reserved.

免责声明:本站所有中国足彩网首页手机版和视频链接均由网友提供,如有侵权问题,请及时联系,我们将尽快处理。

中国足彩网首页手机版源合作联系方式:aikanqiu@gmail.com